شاهِ مردان

شانینده بئش کتاب نازل اولوبدو

تعریفین ائیله ییب خالق سبحان

نفسِ‌ پیغمبر سن، ختم الاوصیا

ساقی کوثرسن، ناطق قرآن

لقبین غیبدن گلدی «لا فتی»

اهل بیته نازل اولوب «هل اتی»

بوتون انسانلارا آتاسان ـ آتا

دواسیز دردلره آدیندی درمان

جنّتین کلیدی؛ سنده یا علی

سن مولی سان، هامی بنده یا علی

قاپیندا بیر قولاممنده یا علی

درویشم، درویشه ثوابدیر احسان

رجبین آییندا توبه گونلری

شیعه شفیع ایستر آغام حیدری

سنی سسلر«حسینی»*تک «جعفری»

یئتیش امدادیمه یا شاه مردان 

.....................................

* حسینی = «شرقی آذربایجان»ین؛ «تعاون، کار و رفاه اجتماعی» اداره سینین کلّ مدیری؛ «میر احد حسینی» جنابلاری

بو گون حسینی حضرتلری له «ساری تئل» دسته سی حقِنده دانیشماق اوچون «تبریز»ه زنگ ائله دیم. حسینیجنابلاری منی چوخ خوش قارشیلایاراق، ساری تئلین باشچیسی «اوستاد افشار»ی تانیدیغینی بیلدیررکن، او جنابلا گؤروشمک ایسته دیگینی سؤیله ییب و «کتابخانه ملا محمد فضولی»نین احیا ائتمه سینه مساعد قول وئردی لر.

من؛ در حال بو شعری یازاراق، تبریزه افشارلا دانیشماق اوچون زنگ آچیب و همین سؤزلری اونا سؤیله ییبن  آقای حسینی له علاقه ساخلاماغینی ایسته دیم.                          تهران  ـ 21 / 02 / 1393

منبع : وبلاگ «ساری تئل»لی چاغلاریم